|
ريتي داشتيمِ / ديار هرَموُشي
|
جفت گاوُ وا قاطر / پالوُن پيشي
|
|
زمي كه سفت بي/قاطر گهَ ميزهَ
|
دِ شوُ چنوُ بي / بيشتر او ديزهَ
|
|
سه بَرش ديم بي/يه بَرش اووُي
|
مهِ سر مي كشيِم / سي طاتِم هاي
|
|
حلوايي مياما / و سر جفتيا
|
و دو بَر گَنم / و يهِ بَر حلوا
|
|
سال تا سال يه تُن/ گَنم ناشتي
|
ايي نروُ برگن / همه مي كاشتي
|
|
نهَ شيميايي بي/ نهَ سم حشره
|
غذاموُ سالم / اونوُن و تَرَه
|
|
گياه مين گَنم/ نوُمش گُرگاو بي
|
سر گوُپلي داشت/ مثل ترياك بي
|
|
وا دَس جمعي/مي كرديِم پَختار
|
همه مي رتيِم / خوُوَر وا بِرار
|
|
خود كفا بيِم / دِ آرد و نونموُ
|
پُختش وا تنير / يا توُوَه خوموُ
|
|
گرما گرم حَردي/مينوُ نحاستي
|
سوسيس يا كالباس / درواس ناشتي
|
|
ايسهَ ناشُكري / بُردموُنه يِلا
|
دَسيا د ِ جيوشوُ / هيسَن تي كام وا
|
|
پُرسي چطوُر بي / گَنمت امسال
|
حالوُ ولِم كوُ/ سوُوز كِردَه تال تال
|
|
سالي دو دفعهَ/ زمي كشت بوُوهَ
|
شونزه هفدهَ گِل / اووياري بوُوهَ
|
|
دِ نفس نارهَ / او بَكنهَ رُشت
|
سمپاشي زياد / زمينيان كُشت
|
|
كار وا تَركتول/ موُبايل و سرقَد
|
وا پ‍ژو يايهَ / يا علي مِددَ
|
|
باز بدهكاره/ سي كشت بعدي
|
وام تجديد كنهَ / سي سال بعدي
|
|
تا گنَم سوُوزه / همه چي خَرهَ
|
كشت اَر كوير با / كَسي نخَرهَ
|
|
آر وَش نمي فتهَ/سال بعدي كارهَ
|
بايد كشت بَكهَ / وام بدهكارهَ
|
