ایل     سَگونَ    بار  وَنهَ  /  دوُ عَنبیریهَ

  کدَ خداش  دلیرپیا   /    دوُ    ایلخانیهَ

عبدالله  بِرنوُ  و ِ دَس / سی روُز تَنِگم⁰

 هوادار ایلِ  سَگوَن / دِ   وَختِ  جَنگم⁰

زنیی شاهزادهَ وار / دوُ  دَشتِ   مین اووُ

 چهل روُزهَ سی رَتنِت/ شوُ نکنم⁰  خووُ

تَتَمهَ جَنَگ آهوُ دَشت/ هِی تونهَ    داشَتم⁰

 سایَمهِ   اَفتووُ   گِرِت  /  چنی   نهاستم⁰

شکارِت گوُشتِ آهوُ / سُفرهَ  پلنَگ پوُس

 خوانیین وِ دووُر یَک  / رفیقوُ  وا دوُس

شمشیرِت  ها   دوُ  غلاف/ بِرنوُ وِ دَست

 ایی زمی تکوُ می حرَد /زیر  سُم  اَسبت

بَمیرِم⁰    اَوَل    چلهَ   /   شوُ  زمِسوُنِتِ

 کُجا رَت شانوُمِه خوُ / مین  دیوُ   خوُنِت

یهِ سالهَ سَفَر  کِردهَ  /  وحید     بِرارِم⁰

 رَنگِ   پائیز   گِرِتهَ    /   بی   اوُ   بهارِم⁰

آسموُ  وِ  ماهَ  خوُوهَ /  حُونهَ   وِ  قالی

 وحید رَت تَنیا مَنم⁰ /  جاش  مَنهَ    حالی

سلامِم⁰ وِ رحیم خُو /  زاگرُس نِشینم⁰

 کَسی   نی   پاروُ   بَکهَ  /   غَم⁰   دِرینم⁰

ایل سَگوَن بی غلام / هیچ  یَک  نگیرهَ

 هَر یَکی گوُشهَ شهری/ بی  کَس⁰  بَمیرهَ

بَمیرِم⁰  سی   مِدالیا  / وِ  سَرِ  شُونِش

 دوُ  قضاوَت  بی  نظیر /   وا    دیوُخُونِش

کُجا رَت شیپهَ کِردنِ / اَسبِ    کرُوشِت

 بَمیرِم ⁰  سی  شَنگ قطار / شکارِ روُزتِ