چَن سالهَ داغِ كريمْ /    مَنهَ     دِ جوُنمْ

داغِ توُ داغِ عَبدهَ /  سوُختهَ  سِخوُنمْ

ايي فَلك پال مال كِردهَ / عُمروُ جوُونيت

بَستيهَ بارِسَفَر /  هيچ  نَكِردمْ  سيت

شَفَق باز وا گُرگ وُمِيش/ بَستِن چَشياتهَ

رفيقوُجمع كِردنهَ   /  هَمهَ    چيياتهَ

زندوُنِ  قُفل  كِردنهَ /  زنجير  دِ  فوُلاد

گِروُنهَ ايي مَرگِ توُ / آخ داد بي داد

كُتَلي سيت بَونَمْ /  كوُلْ   اَسبِ    كالهَ

سَرِ خاكِت   بَكارِمْ    /  اوُ   گُل  لالهَ

سَرموُوَه سيت بيارِمْ /  شعريا  حَماسي

پُرس وُ پُوكَت بِيرِمْ / چنوُ كه هاسي

سازِ    چَمَر  بَزنمْ   /  مَداح    بَخوُنهَ

دوُ شوُنمْ خَرهَ بِيرِمْ/  وَيشَر دِ  حوُنهَ

تفَنگت كاوِربِيرمْ / چي روُز    بهاري

بوُنِمِش دِ مين موزهَ / سي  يادگاري

بَنالم ْسي مَعرفَت /  يا سي    مِرامِت

تَركِ    دُنيا  كِرديهَ  /  ايل  وُ  تِبارتِ

ايلِ سَگوَنداوُمانهَ /  سي   خاكسپاريت

تَش دِ دلْ خي دِ جگر/آخ سي بِراريت

چَش قشَنگ بالابِلَنگ /    هِي توُبِرارِمْ

هَر دو چَشمْ دِكاسهَ /  مهِ سيت دِرارِمْ