|
دوُ دهه سيصد و بيس/ اوُمام و دنيا
|
دِ روُنهَ اوُو هرموُشي / كَپر كوُلايا
|
|
رُشد كردم ِآزاد بيمِ / دوُ دلْ طبيعت
|
زيني ساده داشتمِ / مُردم حقيقت
|
|
قوُم لُر ايلمِ سگوند / قلي طايفمِ
|
مالگهَ كم دِ هَرموُشي / او چهَ مِنافمِ
|
|
يادمِ يا وا رفيقوُ / مَكتب مي رتيمِ
|
غَم نيي شاد بيموُ/ وا يك مي گشتيمِ
|
|
او زموُ امكان نيي / حصير نشيني
|
نوُن تنير اوُو هَرموُشي/ كوُلا نشيني
|
|
يادگيري رقابت بي/ دِ مين كلاسموُ
|
پاپتي وا گوردهَ پا / جوُمهَ دردياموُ
|
|
كاسِمساَ گلهَ وُ برهَ / كلْمهَ وريسا
|
گَلي سي خَرّه كاري / وا در حوُمسا
|
|
كُجا رَت فال چهل سروُ/ اوشنوُ نشيني
|
زمسوُ نَم نَم باروُ / دوُوار نشيني
|
|
چه گذشت چرخ زموُ / نَگشت و كاممِ
|
حقيقت پيشهَ كِردمِ / مهِ دوُ كلاممِ
|
|
دلِ صاف نيت پاك / بي دِ وجوُدمِ
|
مَردم داري مي كِردمِ/هَر جا حُضورمِ
|
|
چي بَكمِدَسْ روزگار/ وا كار وُ بارش
|
اصالت دِ بين رَ تهَ / هيچ ني ديارش
|
|
مهِ وياد ايل كوُچ نشي/ ها مي زنمِ زار
|
مهِ دِ ايي مالگهَ دل گير/ ها بَكنمِ بار
|
|
اِ دوُسِ كمياد بَكوُ / تو دِ دِيارت
|
دِ ياروُ كَسْ نَمَنَه / كي بَكهَ يادت
|
|
يك و يك همهَ رَ تن / دلير پيايا
|
نَمَنَه اَسب كهَر / قديم سوُاريا
|
|
نَمَنن تفنگچي يا / دِ مين كوُهسار
|
كوُر كوُره د ِ آسموُ / مياوردِن وهار
|
|
بيا بَنال تا بَناليم / سي روزگاروُ
|
كَسْ و كَسْ سر نِيماره / وايي دراسوُ
|
|
سال و سال بَدتر بوُوهَ / رسم زموُنهَ
|
اِ دوُسِ سيت نوشتمِ / يادت بَموُنهَ
|
|
ندينمِ چي اوسنوُ/ سر و يك بياريمِ
|
حال خَور وا يك بَكيمِ/ غَم دلْ دراريمِ
|
|
بَشينيمِ و دوُور يك / چي اوُسني موُ
|
نهَ ايسهَ كَسي نِميا / رَت با دِ تي موُ
|
|
صنعت كه دُنيان گريت/زمي دِ بين رَت
|
غيرت رَت بِراري مُرد/گَپي كُجا رَت
|
|
نهَ ايل مَن نهَ طايفه/ نهَ كَسِ دلْ سوُز
|
دِ قوُموُ كَسي نَمَن/ رَ تن و يهِ روز
|
