سلامِمْ   وِ     سِيمَرهَ /  وا       چَشمهَ  سارشِ

سلامْ   وِ   هَر  چي   لُرهَ   / ايل  وُ  تِبارشِ

قوُمْ   لُر چي    تَش   بِريق /   دوُ آسموُنهَ

اَجدادِش  سَلحشوُرهَ  /  دَس  وِ      كَموُنهَ

سلامِمْ   وِ   قوُمْ   لُر     /     زاگرُس    نِشينمْ

رَسمْ   لُر  حَماسيهَ    /    مَنهَ      دِ    خينمْ

كُجا   رَت  كالهَ   سوُار /  وا  شَنگ قطارشِ

كُجا   رَت  آهوُ   كُشتنِ /  روُزِ   شكارشِ

بَنالمْ   سي   ايلِ      لُر        /   يا    روُزگارِمْ

نَمنَهَ    گَپي  دِ     شوُ     /    زَردهَ    بهارِمْ

قوُمْ   لُر    سوُار    تَكهَ   /     دِ      مينِ   دُنيا

دِ    نبَرد    شمشير   زني /   دِ   مينِ جَنگيا

دِ   مين  زي   هدف   گيرَه /  دُشمِنِ فَرضي

دلْ   صاف   مِرامْ   دارهَ  /   نارهَ    غِرَضي

گُذشت   وُ    مَردانگي  /   خصلَت      چنينهَ

صُلح   دوُس   وُ   ميموُ   نواز / ايران زمينهَ

كُجا   رَت   شاهنوُمهَ   خوُ /   شوُ     زمِسوُنمْ

كُجا   رَت   اوُ خين وُ صُلح /مين ديوِ خوُنمْ

وِ   يادِ   ايل   كوُچ   نِشي /   هامي زنمْ زار

مهِ   دِ    ايي    مالگهَ دلْ گير / ها بَكنمْ بار

چه   خوُوهَ   ياد   بَكنيمْ /  دِ   گَپ    گَپوُنموُ

اصالَت   وِ  جا  بايهَ  / رَسمْ    وُ     رسوُموُ

يَك  وِ   يَك   همهَ   رَتِن    /     دلير     پيايا

نَمنَهَ   اَسبِ      كَهَر    /    قديمْ    سوُاريا

كَژَل  وُ   كُمِيت   سوُار   /   بِرنوُ   وِ    دَسِش

ايي   زمي   تَكوُ مي حَرد / زير سُمْ اَسبِش

گَپوُنمْ   كُل    رَتنهَ  /    كُريا       وِ     جاشوُ

اِيمانيا   دِ    نبوُويمْ  /     وِ   خاكِ    پاشوُ

قوُمْ   لُر   مال   وُ    بارِش /   دِ    نِكنهَ كوُچ

شكارچيش     دِ   نِكُشهَ /  پازنِ   وا غوُرچ

نَمنَهَ   دِ   گَپوُنمْ   /     كَسْ     دوُ      سوُاروُ

نَمنَهَ   چوُغا   وِ  شوُ  /  روُوهَ     وِ    ديووُ

ايي    دِلمْ   ويرهَ   كِنهَ /   سي چَشمهَ ساروُ

سي     تفَنگ سي اَسب زي /سي اوُ سوُاروُ

زمان   يا   ثابت   كنهَ      /      اوُ   پيا   داري

دِ سَفَر   دِ    شريكي   /     دِ    ميموُ داري

كُجا   رَت   اوُ زين وُ بَرگ / اَسب سگلاوي

شنَگ    قطار شوُ كِردهَ بي/سي با در اوي

ايي   هَمهَ   نالهَ   دِلمْ   /     سي    روُزگارهَ

هَر كَسْ   رَت   دِ   نِميا /   بِينمْ     دو وارهَ

هِي   روُ  وِ   هِي  روُ /  مالِمْ رِميايهَ

شوُگارِمْ   شيمهَ      /      بِرامْ     مِرديايهَ

يهَ   مالِ   كيهَ  /   چوُل   وُ    ويرانهَ

ژَن   وُ    مِنالي   /       زار      وُ   گريانهَ

اِ   دُنيا   دارن  /   اِ   دُنيا     دوُسانْ

دُنيا        دَميكهَ   /   چي  شوُ  روُ بوُسانْ

نالهَ   سَر     دامهَ   /    حنارَس    نيهَ

زمان       حانهَ     كِرد /   دِ     چارهَ  نيهَ

هِي   داد هِي بيداد / حناسهَ سَردِمْ

كَسْ    خَوَر     نِيري    /   ژهَ    بار دَردِمْ

هَر   شوُ  ژَه   داغِت /   فَره    هوُلَمهَ

هَمزوُان     نِيرمْ   /    سِرايِ        چوُلَمهَ

هَوار  هَي   هَوار / شيَرل كُل مِردِن

صفا      برائي / ژَه    نامْ    ايل      بِردِن

حَناسَمْ   بِريا   /   آز   نيهَ   ژَه     پامْ

كِزين        بِنيشِمْ   /    ژَه    داغِ      بِرامْ

خدا   توُ   خالق  /    اوُ     كهكَشاني

مِن    وَه    دلْ     ديرِمْ   / داغِ    گِراني

چَپكَمْ   چي  بِكَمْ / كار چيهَ ژَه دَسْ

ميناي   شِكَسَمْ       /         نِمَيوُ      پيوَسْ

مهِ   چَني   بوُشمْ   /   ژار  وُ    فَقيرِمْ

كراسْ   شِر ژَه  وَر /   اِ  شادي      ديرِمْ

هِي   روُ  وِ   هِي   روُ /  مالِمْ رِميايهَ

شوُگارِمْ    شيمهَ     /     بِرامْ      مِرديايهَ

كِزهَ   كِز نَكهَ   /     كِزَت   وَه   گيانمْ

كِزَت   بي   وَه   تير  /  دا       اِ    سِخانمْ

چَپكَمْ   داغْ   بِرامْ / نَچوُ  ژهَ    ويرِمْ

چَرخ              زمانهَ   /     كِرديهَ     پيرِمْ

اِ   غَمْ   چَتَمهِ /    گيردين وهَ دووُرِمْ

زاني            غَمينَمْ     /     مالِ    خروُومْ

وِ   نبي   دانيال /   ها  دِ  شهرِ شوُش

هَرگز   توُ  سي  مهِ / نوُوي فراموُش

غيب  اِبن   علي /     وِ     لوُ     كَرخهَ

هَر  شوُ   مهِ   سي  توُ /  دلِمْ  مي تَپهِ

تاجِ    عارفي   /   وِ    پَهلي     جادهَ

قَنيل  برق   زنهَ /    وِ     تهِ    رَهدادهَ

وِ   اوُ   سيد    عباس /   پير   عروُونهَ

وِ   دَسِ   خوُمْ   ني  /  دلْ گيرهَ بوُنهَ

قَسَمْ   مي   حُرِمْ /  وِ   شاهَ   پيروالي

تَنيا   پيرِ     گَپ   /      پير   ماكِنعالي

وِ   اوُ       شا مَمهَ   /           پير    لُرسوُ

توُ   كه   فَرق   داري /  وا كُلِ دوُسوُ

روُوِمْ   وِ    شَچاخ /   آدِمْ   كِنهَ  كوُر

مهِ   دِ   دلِ   صاف  /  وا توُ بيمهَ جوُر

وِ   اوُ     شاهَ اَحمهَ  /  پُشتِ  كو والي

توُ   هِي   بيا  دِ  لامْ / وا  دَسِ حالي

جابر    انصاري   /       تَنيا     هيسادهَ

روُوِمْ       زيارت /      وا     پا    پيادهَ

توُن   اوُ     بن جَعفر / جنوُبِ دِسبيل

چِفيلَمْ   وِ   توُ  /   مهِ    گوُتمْ    دِخيل

حوُمهَ    بهبهان  /      بي بي   حَكيمهَ

دوُني   چَن   سالهَ  /  توُ نهَ   نيي  مهَ

اَحمد    فِدالهَ   /      دوُ       بَختياري

هوُشمهِ   بُردي /     وا    دِلمْ   چاري

چهل   پيرِ   شوُشترِ /  شَمع  بَكنمْ نَذر

هَرگز   نيي  نمْ /    چَشيات  بوُوَن تَر

دِ     پير   نَمنَهَ   /   حوالي       دووُرِمْ

اَر خوُت    نَرَسني /    مي كِنَن قوُرِمْ

فَجر    اوُما   بَهمن    اوُما   /  شاديَ    كنوُنهَ

ظُلمْ    رَتهَ   نوُر  اوُمايهَ /  دِ  كِل   زنوُنهَ

ظُلمْ   رَتهَ   نوُر  ها  وِ  جاش / دي سَرزمِينِمْ

مهِ    قُرآن   كِتوُومهَ /    اسلامهَ     دينِمْ

توُ   ايران  آباد     بائي   /     وا    سَرزمينِت

عاقبت   كُلِ   دُنيا /   يايَن    دِ    دينِت

جوُونيات    هيچ   جا    نارهَ / چي شيرِ بيشهَ

درختِ    ظُلمْ   كَنِن  /   اوُنو  دِ    ريشهَ

اِفتخارِمْ   ايرانهَ /     وا    اووُ    وُ    خاكِش

حُضورِش   دِ    همهَ  جا  / مَردِمْ پاكِش

جا   شهيدوُ      سوُوز   مَنهَ /   دِ  مين ديارِمْ

ها   روُوِمْ   سَر   خاكشوُ /   اَسِر    بَوارِمْ

خين   شهيد   آباد  كِردهَ / نوُمْ موُندِگارِش

پَر   كَشي   دوُ   آسموُ  /   اوُني ديارِش

جوُنِمْ   با   ايران   زمي /  جا  كهِ    شيروُنهَ

نوُمْ   اوُ  دِ    كُل   دُنيا  /   وِ   سَر زبوُنهَ

بيا   تا   رِيمْ     راهَپيمايي /     دُشمهِ     بِينهَ

تا   همهَ   يَكي   بائيمْ /   اوُ   دِلِش خينهَ

نوُمْ      ايران    چي   آسارهَ / دوُ   آسموُنهَ

ايراني   زوُر   پذير  ني /  دُنيا     بدوُنهَ

نوِشتِمْ    دِههَ    فَجر   /     مهِ    سي    بِراروُ

همهَ   بيات   راهَپيمائي / دِ بَرف وُ باروُ

بيس   دو   بَهمن   اوُما   /      چَني   شيرينهَ

هَر   سالهَ  جَشن گيرموُ / رَسمِش چنينهَ

سازنهَ   بَزِ   وِ    ساز /       تا    خوِمْ    بَوازِمْ

سوُارِ   اَسبِ    كَهَر   /      دُشمهِ   بَتازمْ

قوُمْ   لُر    ايلِ   سَگوَند   /   بِرنوُ   وِ    دَسمْ

وطنمْ   مهِ   دوُس دارِمْ /چي كُلِ كَسِمْ

وِ    دُنيا   مهِ   نديِمْ   /    مِثقال   دِ   خاكِش

دِ نقشهَ  چي شيرموُنهَ / وا سينهَ  چاكِش

سلامِمِ      وِ   مَحسين /  وِ  غُلامِ   خوُنمِ

داغشوُ   ريشهَ    زيهَ  /   وِ     بَنِ      جوُنمِ

نوُمِ  غُلامِ   چي   آسارهَ  /   دوُ آسموُنهَ

اِ خدا   هيچ   وِلاتي  /  بي  گَپ     نَموُنهَ

بَميرمِ   سي    مِداليا  /   وِ   سَرِ   شوُنِش

بَميرمِ سي خين وُ صُلح/ مين ديوُ  خوُنِش

نَمنَهَ  چي  مَحسين    /   دِ   مين  ديارمِ

كارگُشا صُلح دوُس    ايل/ كروُش سوُارمِ

بِراروُ جَنگ آهوُ دَشت/هِي ها وِ  ويرمِ

كَسْ  نَمَن   دوُ    قوُشني  /  سيشوُ   بَميرمِ

پُختُ پَز گوُشتِ آهوُ/سُفرهَ پَلنگ پوُس

مِيموُ نيا  دِ  ديوُ   خوُ  /    بِراروُ  وا  دوُس

آخ  غلامكهِ    جهانشاهَ /   سَنگر    نِشينمِ

دِ   نِميا    وي   سَرزمي /  چي  اوُ     بِينمِ

تَفنگِش    بِرنوُ  كوُتاهَ /  اَسب   سگلاوُي

شَنگ   قطارشِ  كِردهَ   بي/ سي بادراوُي

مُرتضي   ديپلما سي/   سي  گيرِ   كارمِ

بوُغز   گريتمهَ      نِميلهَ  /   دَنگيِ    وِرارمِ

مال  وُ  بار  ايل  سَگوَند /  دِ نكنهَ كوُچ

شكار چيش  دِ    نكُشهَ  /   پازن   وا غوُرچ

عَبدالُه   وكيلِ   وَقت /   سي روُزِ تَنگمِ

فرياد  رَس  مَردمِ  شناس/   دِ وَقتِ جَنگمِ

آخمهَ   سي    قا فلِت  /   روُزِ    شكارتِ

مُدتي   سَر   نزني   /   ايل   وُ       تبارتِ

نهَ   دينمِ   نهَ   دِ    مِيا /    چنوُ    زموُنيِ

دَمِ  وُ دي گرم  ديوُخوُ/خان سوُل كَموُنيِ

كُجا     رَتِن    سوُاروُنِ /   ايلِ   سَگوَند

 نها شوُ  دِ   پُشتِ   كوُ  / دِماش  دِ   اَروَند

سِيل  بَكوُ  وي   سَرزمي  /  نَمَن سوارمِ

 سي خوانين  ديوُو  دار /  مهِ بي   قرارمِ

ايلِ   سَگوَند   چي  اوُسهَ/ دِ يَك نگيرهَ

هَر يَكي گوُشهَ شهريِ /  بي  كَسْ   بَميرهَ

مَنمهَ  تَك وُ  تَنيا / كَسْ  ني    وِ دووُرمِ

قوُموُنهِ  بيا  دراريت / ايي خاكِ    قوُرمِ

يهِ   سالهَ  حاتم  رَتهَ / چوُل هوُنموُنمِ

داغِ   اوُ   ريشهَ   زِيهَ  /  وِ   بَنِ  جوُنمِ

يهِ  سالهَ  وا  رَتنِ   /   شوُ  نكنمِ   خوُو

خاطراتِت مَن وِ جا/ سيت مِي زنمِ بِووُ

خي دِ  چَش سيت بَوارمِ/ تا  رهَ  بِيرهَ

تا  دلِ  غَمِ    دِ    بارمِ  /  آروُمِ    بِيرهَ

هوُنموُنمِ بَعد  خوُت / چي يَخِ  سَردهَ

لوُ  وِ  لوُ  پَردهَ  دلمِ / كُل آهَ  وُ دَردهَ

دُختروُنِت  سي دِ  وَر/ ماتَمِ  دِ   بارَن

داغِ توُ  وِ كوُل كَشَن/سيت بي قرارَن

داريوُشِت دَس وِ سينهَ / وِ سَرِ  خاكِت

نالهَ فَردين سوُختمهَ / هِي ها وِ   يادِت

تاجِ گُل وِ دَس حسين/ سالگرد  بوُوهَ

اَسرِياش جاري   بينهَ  / دلِش ك ِوُوهَ

توُ كهِ   ناري دالكهِ /  سيت    بَگريوهُ

گيسياشهَ سيت  بوُوِرهَ  /   عزات   بِيرهَ

كارِ   دُنيا   مُردنهَ /   رَسمِش     چنينهَ

مَنزلِ     شيروُنِ     نَر   /   زيرِ   زمينهَ

رَتنِت مين دلمِ سوُخت/تا پُشتِ  سينهَ

تا  اَبد     چَش  وِ   رَتهَ  /   توُنهَ   بِينهَ

داغْ حاتم زخم پَلنَگ/ها مِي زنَه سوُز

مَنِمَهَ  تَك وُ   َنيا/  بي كَسْ  وُ   دلسوُز

حناسهَ   سَرد  مِي كَشمِ/  حاتم  بِرارمِ

بوُغز  گريتمهَ   نِميلهَ / دَنگيِ     وِرارمِ

دَنگ  وِرارمِ  بَنالمِ   /  سي  روُزگارمِ

كُجا  رَت گرمِي  دَس / حاتم    بِرارمِ