گَنم داس  دروُو /    شَل   آخر  اوُما

خلاص   کِردیموُ  /  جو ُ  و  دلْ   اوُما

خرمنی ونیمِ /   دوُ  گَنم   سیه   داس

او سال شریک بیمِ/و احوُز علی راَس

دو ورزا داشتیمِ /  پیر وُ   کُهن    سال

رَه      نمی   رَتن    /  و شوُ  میزمِ گال

قاطر    بورموُ /  خیلی  چَمیش    بی

نشوُن گَپی داشت /  و  مین ریش بی

هوُلهَ   کِردنموُ   /   گه  وُ   نووُه    بی

یکی موُ     میرَن   /  یکي موُ سایهَ بی

گه مهِ خلاص    بی /  گه   بوُومِ اوُما

گاو هوُلن دَم وش / دیمِ  ضابت  اوُما

مهِ    توُر کسمِ     /    سینهَ    هَرموُشی

جنگی  در  گریت /   دوُ  راسا   پُشتی

رَ تم سیل کِردمِ / بی   و  جنگ و چوُ

همه      زنس   /      پیا     گَن     وُ  خوُ

مهِ  دِ  ویرم  رت   /   بوُومِ   ها   روُنهَ

دیر   رَ تِم    والاش  /  وِم  گریت بوُنهَ

و لَکی   وم   گوت   /   روُلهَ  بوُ  اِیرهَ

قُلیام  ِکِرد  هوا    /    سرمِ   زیر ریوهَ

سرمِ   زیر   خرمهِ  /   هاسمِ  خَفهَ بام

نوُونم کی فوری/   گُوتی   سی   دام

اوُما وربی  و ش/ وا  ایی  کُر چاری

ایی بَچه ن کُشتی/چکار واش داری

وا حتماً شعر بوُوی/تو سی گاو هوُلهَ

پدرمِ دراوُو ورد /   ایی  قاطر  موُلهَ

سه گل کِن  می بی/  تا خو هیردبایهَ

موقع     وِرشنهَ    /     دِ     کَه    درایهَ

طردِش می زیموُ  /   میسایمِ سا کوُلا

تا بینیمِ چه  وقت  /   باد  دِ کوُم لا بیا

یه ماه طول می بُرد/ تا  پاکش  کنیمِ

کَه  وا   دوُنشهَ   /   خوُ   جگاه    کنیمِ

دیمِ هشت و یک بی/ اووُی نیم و نیم

خان رَم  نمیکِرد /   مال  دار  وُ  یتیمِ

آخمِ   سی اوسهَ /  آردیا سبوُس دار

چزنَک   داشتیموُ   /   ایما   سی   نهار